ചേർന്നൊഴുകാം

ഇഴ വേർപിരിഞ്ഞൊഴുകി പിന്നൊരേ  ബിന്ദുവിൽ വന്ന്
 ഒരുമിച്ചുചേർന്നൊഴുകും പുഴപോലെ ....
പൊയ്‌പ്പോയ ജന്മത്തിൽനിന്നടർന്നു പിന്നെയും
ഈ ജന്മ വീഥിയിൽ ഒരുമിച്ചു ചേർന്നു  നടക്കാൻ വിധി ചേർത്തതാരെ
സഖീ നിന്നിഷ്ട ദേവനോ ഉൾകണ്ണെറിഞ്ഞ കാലമോ
അഴലിൻ നിഴലിലൊളിച്ചെന്നാലും അറിയാതെ പോകുമോ
സഖീ നിൻ ഉൾച്ചൂടിൽ പൊള്ളുമെന്നുള്ളം
കൈകോർത്തു മെല്ലെ നടക്കാം നമുക്കീ വഴി
ഇനിയുമൊരു സായന്തനത്തിൻ വിരൽ സ്പർശമേൽകും വരെ